Txorro, morro, piko, taio, ke!
Gorputz Hezkuntza arloan egiten dena guraso eta ikasleen artean zabaltzeko asmoz, blog berri bat abian jarri du Iñai Salazar irakasleak: Txorro, morro piko, taio ke!
Blogaren bidez ikasleek lan egiteko behar duten zenbait material eskura jarriko dira eta, bestetik, gurasoekiko harremanak hobetzeko erak eskeiniko dira.
Bisita ezazu!
Ikasturte hasierako bilerak Lehen Hezkuntzan
Ikasturte hasierako gelako bilera orokorrak ondoren adierazten diren datetan egingo dira:
Lehen Hezkuntzako 1. maila: irailaren 26an
Lehen Hezkuntzako 2. maila: irailaren 27an
Lehen Hezkuntzako 3. maila: irailaren 29an
Lehen Hezkuntzako 4. maila: urriaren 3an
Lehen Hezkuntzako 5. maila: urriaren 4an
Lehen Hezkuntzako 6. maila: urriaren 4an
Bekak
Irailaren 20ra arte Hezkuntza Saileko bekak eskatzeko epea zabalik egongo dela jakinarazi nahi dizuegu.
Bi motatako eskabide-orriak daude:
1. Joan zen ikasturtean beka izan zuten ikasleek inprimaki bat daukate beraien izenean. Ikaslearen aitak edo amak inprimakia sinatu behar du eta ez da bestelako agiririk aurkeztu behar (datuetan ez bada aldaketarik egon).
2. Lehenengo aldiz beka eskatzen dutenek edota iaz eskatu arren erantzun baikorra jaso ez zutenek ohiko inprimakia bete behar dute, baita eskatutako dokumentazioa ekarri ere (familiakide konputagarri guztien NANaren fotokopiak, familia liburuaren fotokopia eta eskabidean zehazten diren bestelako agiriak). Errenta aitorpena Bizkaian egin bada ez da aurkeztu behar.
3. Bi urteko ikasleek ere oraingo deialdi honetan parte hartu behar dute (ez da aparteko deialdirik egongo). Kasu honetan epea irailaren 30ean amaituko da.
Ikasturte hasierako bilerak Haur Hezkuntzan
Ikasturte hasierako Haur Hezkuntzako bilera orokorrak ondorengo datetan egingo dira:
Haur Hezkuntza 2 urte: irailaren 6an, 12:00etan
Haur Hezkuntza 3 urte: irailaren 6an, 12:00etan
Haur Hezkuntza 4 urte: irailaren 7an, 12:00etan
Haur Hezkuntza 5 urte: irailaren 7an, 12:00etan
Treasure Island
Uharte bakarti bat, bi pirata etsita, altxor galdu bat, goseak jotako indigenak eta itsasontzi baten hondoratzea. Horra hor Face2Face taldeko aktoreek ingelesez eskeiniko duten antzeslanaren gakoak, Lehen Hezkuntzako 3. mailatik 6. mailara bitarteko ikasleek gogo biziz gozatuko dutena.
Taberna batetik abiaturik eta piraten itsasontziraino, gure bi protagonista txokoz txoko ibiliko dira galdutako altxorraren bila.
Robert Louis Stevensonen "Altxorraren uhartea" lan klasikoan oinarrituta, denontzat hain erakargarria den piraten garaia hurbiltzen digu antzeslan honek, umorea, musika eta ikusleen partaidetza ekitaldiaren giltza direla.
Jantokiko greba bertan behera geratu da
Jantokiko langileak akordio batera heldu dira arloko enpresekin eta, horren ondorioz, jantokiko greba bertan behera geratu da. Bihar, beraz, zerbitzua normaltasunez eskeiniko da.
Korrika
Berriz ere hasi da Euskal Herrian euskararen alde ospatzen den ekimen nagusienetako bat: KORRIKA.
Muskizetik apirilaren 15ean pasatuko da eguerdiko 12:20an gutxi gora behera.
Gure kilometroa Arkatzietan hasi eta Ikastolan bertan amaituko da.
Etorri gurekin korrika egitera euskararen alde!
Inauteriak 2011
Martxoaren 4an Ikastolako Inauteri Jaia ospatuko dugu.
Egun horretako ordutegia hauxe izango da: 9’30etatik 13’30etara. Ez da jantokirik egongo eta autobus guztiak 13’30etan pasatuko dira.
Zoritxarrez, aurreko urteetan bezala, jaialdian gurasoen partaidetza murrizteko beharrean gaude, Ikastolako espazio ezak arazoak sortzen dituelako ekitaldiak antolatzeko orduan.
Horren ondorioz, gurasoak beheko patioan egingo dugun desfilea ikustera etor zaitezkete (10’30etan izango da. Sartu, mesedez, beheko patioko atetik eta kokatu eskubaloi-ateak dauden aldeetan). Ez da beharrezkoa maskaratuta etortzea. Desfilea amaiturik, jaiak jarraituko du baina ikasleekin bakarrik.
Egoera hau behin behinekoa da Haur Hezkuntzarako eraikin berria egin arte, ordutik aurrera gurasoen partaidetza areagotzeko moduak eskeintzen ahaleginduko garelarik.
Beraz, egun horretako egitaraua honako hau izango da:
Ordutegiaren aldaketa otsailaren 16an
Otsailaren 16an unibertsitatez kanpoko irakaskuntzako hauteskunde sindikalak egingo dira. Hori dela eta, asteazkenetako ohiko ordutegian ondorengo aldaketak gertatuko dira:
- Autobusak 14’00etan abiatuko dira Ikastolatik eta ez 15’00etan.
- Jantokian geratzen ez diren ikasleak 13’00etan jaso behar dira beti bezala.
- Jantokian geratzen diren ikasleek Ikastolako jantokian bazkalduko dute (Haur Hezkuntzakoek 12’30etan, besteek 13’15etan) eta 14’00etan jaso behar dira.
Jazz emanaldia
Jazz musika umeen mundutik oso urrun dagoela eman dezake lehenengo begirada batean baina, estilo berezi hau ezagutzen dutenean, asko gozatzen dute haurrek.
Bilboko BBK aretoan jazz emanaldi bat entzun dute Lehen Hezkuntzako 1. eta 2. mailetako ikaskeek eta oso esperientzia baikorra izan da. Hona hemen bizitakoaren kronika (hemen sakatu).
